Mahar Invitational Cup is an esports tournament, specializing a famous MOBA Game Mobile Legends: Bang Bang. The Total Prize Pool is 4,000,000 MMK participating total of 134 teams in respective format. This tournament tends to improve Myanmar Esports Community and provides a fair opportunity to challenging local players.

အကျဉ်းချုပ်

ယခုမဟာဖိတ်ခေါ်ဖလားသည် နာမည်ကြီး MOBA Game ဖြစ်သော Mobile Legends: Bang Bang ကို အခြေပြုယှဉ်ပြိုင်ရမည့် အီလက်ထရောနစ်အားကစားပြိုင်ပွဲတစ်ခုဖြစ်သည်။ ဆုကြေးငွေစုစုပေါင်း မြန်မာငွေ ကျပ်သိန်း ၄၀ တိတိ ချီးမြှင့်ပေးသွားမည်ဖြစ်ပြီး စုစုပေါင်းအသင်း ၁၃၄ သင်းသည် သက်ဆိုင်ရာစနစ်ဖြင့် ဆော့ကစားရမည် ဖြစ်သည်။ ယခုပြိုင်ပွဲသည် မြန်မာနိုင်ငံ အီလက်ထရောနစ် အားကစားလောကကို မြှင့်တင် ပေးလိုသည့် ဆန္ဒဖြင့် ပြည်တွင်းကစားသမားများကို စိန်ခေါ်မှုများအတွက် အခွင့်အလမ်းများဖန်တီးပံ့ပိုးခြင်း ဖြစ်ပါသည်။

ပြိုင်ပွဲပုံစံ (Tournament Format)

Qualifiers

• ပွဲစဉ်စုစုပေါင်း ၆၄ ပွဲ – ဆီမီးဖိုင်နယ်အထိ – Best Of 1 ရှုံးထွက်ပုံစံ

• ဖိုင်နယ် – Best Of 3 ရှုံးထွက်ပုံစံ

• Custom Draft Pick – 6 Bans

• အများဆုံးဝင်ရောက်စာရင်းပေးနိုင်သော ကစားသမားဦးရေ – 7 ယောက်

Groups

• အုပ်စုပတ်လည် – Best Of 2 အမှတ်ပေးပုံစံ

• ၂-၀ ဖြင့်အနိုင်ရလျှင် ၃ မှတ်၊ ၁-၁ ဖြင့် သရေကျလျှင် ၁ မှတ်၊ ၀-၂ ဖြင့် ရှုံးလျှင် ၀ မှတ်(အမှတ်မရရှိ)

• Tournament Draft Pick – 10 Bans

Playoffs (LAN)

• Lower Brackets – Best Of 3 ရှုံးထွက်ပုံစံ

• Upper Brackets – Best Of 5 နှစ်ဆင့်ရှုံးထွက်ပုံစံ (ရှုံးနိမ့်သည့်အသင်းသည် Lower Bracket သို့ဆင်းရမည်)

• Lower Bracket Final – Best Of 5 ရှုံးထွက်ပုံစံ

• Grand Final – Best Of 7 (အနိုင်ရရှိသည့်အသင်းသည် ချန်ပီယံဆုကို ရရှိမည်ဖြစ်သည်)

MIC ၏ တရားဝင်သတ်မှတ်ထားသော ဆက်သွယ်ရမည့်ဆာဗာ (Mahar Esports Discord Server)

• ပွဲစဉ်အတွက် Check-in ဝင်ရန် ပွဲစဉ်မစတင်မီ မိနစ် ၃၀ အတွင်း သက်ဆိုင်ရာ ပွဲစဉ်၏ သတ်မှတ်ထားသော Mahar Esports Discord Channel တွင် ရောက်ရှိနေရမည်ဖြစ်သည်။ အချိန်မီမရောက်ရှိသော အသင်းကို ပွဲစဉ်အား အလိုအလျောက် အရှုံးအဖြစ်သတ်မှတ်မည်ဖြစ်သည်။

• ပြိုင်ပွဲအတွက် Check-in ဝင်ရန် Qualifiers၊ Group Stages နှင့် Playoffs Stages မစတင်မီ တစ်နာရီအတွင်း သက်ဆိုင်ရာ  Mahar Esports Discord Channel တွင် ရောက်ရှိနေရမည်ဖြစ်သည်။ Qualifiers ယှဉ်ပြိုင်ရန် ပြိုင်ပွဲမစတင်မီ တစ်နာရီအတွင်း Check-in ဝင်ရောက်လာသော အသင်းသာ အတည်ပြု ယှဉ်ပြိုင်ခွင့်ပြုမည်ဖြစ်ပြီး သတ်မှတ်ထားသောအချိန်ထက် ကျော်လွန်နောက်ကျပါက MIC တွင် ပါဝင်ယှဉ်ပြိုင်ခွင့် ပြုတော့မည်မဟုတ်ပါ။

စည်းကမ်းချက်များ (Rules)

1. Qualifiers တွင် ပွဲစဉ်၏ အထက်တွင်ရောက်ရှိနေသောအသင်း သို့မဟုတ် ပွဲစဉ်ဇယား၏ ဘယ်ဘက်အခြမ်းတွင် ရောက်ရှိနေသော အသင်းသည် သက်ဆိုင်ရာပွဲစဉ်အတွက် Lobby ပြုလုပ်ပေးရမည်ဖြစ်သည်။ ထို Lobby သို့မဟုတ် Room ၏ အသေးစိတ်အချက်အလက်ကို MIC တာဝန်ရှိသူများနှင့် ပြိုင်ဘက်အသင်းကို တင်ပြပေးရန်လိုအပ်သည်။
2. Lobby ပြုလုပ်ပြီးပါက ၁၀ မိနစ်အတွင်း ယှဉ်ပြိုင်မည့် အသင်း နှစ်သင်းလုံး အဆင်သင့်ဖြစ်နေရမည်။ ၁၀ မိနစ်အတွင်း အဆင်သင့်မဖြစ်သည့် အသင်းကို အလိုအလျောက် အရှုံးအဖြစ်သတ်မှတ်မည်ဖြစ်သည်။
3. ပြိုင်ပွဲဝင် အသင်းများအားလုံးသည် အနည်းဆုံးပြိုင်ပွဲကစားမည့် ကစားသမား ၅ ဦးအနည်းဆုံးရှိရမည်။ သတ်မှတ်ထားသော ပြိုင်ပွဲဝင်ဦးရေထက် လျော့နည်းနေပါက ပါဝင်ယှဉ်ပြိုင်ခွင့်ပြုမည်မဟုတ်ပါ။
4. ပြိုင်ပွဲဝင်အသင်း၏ စာရင်းပေးသွင်းထားသော မည်သည့်ကစားသမား ၅ ဦးမဆို Lobby ထဲရောက်ရှိပြီးဖြစ်ပါက ပွဲစဉ်ကို စတင်နိုင်မည်ဖြစ်သည်။
5. Best Of 3 ပွဲစဉ်တစ်ခုလုံးတွင် တစ်သင်းလျှင် အရံကစားသမား ၁ ယောက်သာ အသုံးပြုနိုင်သည်။
6. ပြိုင်ပွဲစတင် ကျင်းပနိုင်ရန် အနည်းဆုံး အသင်း ၈ သင်းသည် သက်ဆိုင်ရာ Mahar Esports ၏ Discord Channel တွင် Check-in ဝင်ရန် လိုအပ်သည်။
7. ပြိုင်ပွဲဝင် အသင်းအားလုံး MIC  ပြိုင်ပွဲဝင်စဉ် လူစာရင်းဖြင့်သာ ပါဝင်ယှဉ်ပြိုင်ရမည်ဖြစ်သည်။ အကယ်၍ လူစာရင်းအပြောင်းအလဲ ဖြစ်ပေါ်ပါက MIC ပြိုင်ပွဲ၏ တာဝန်ရှိသူများကို အတိအကျ တင်ပြ အကြောင်းကြားရမည်ဖြစ်သည်။
8. သက်ဆိုင်ရာပွဲစဉ်၏ ပြိုင်ပွဲဝင်အသင်းနှစ်သင်းလုံးသည် မိမိယှဉ်ပြိုင်မည့်ပွဲစဉ်၏ အသေးစိတ်အချက်အလက်များကို သေချာစစ်ဆေးရန် လိုအပ်သည်။ ပွဲစဉ် ပြီးဆုံးသည်အထိ ယှဉ်ပြိုင်ပြီးပါက နှစ်သင်းလုံးသည် ပွဲစဉ်ကို အတည်ယူကစားခဲ့သည်ဟု MIC တာဝန်ရှိသူများမှ ယူဆမည်ဖြစ်သည်။
9. ပြိုင်ပွဲယှဉ်ပြိုင်ရန် အဆင့်သတ်မှတ်ထားခြင်းမရှိသေးပါ။
10. Best of 1 ပွဲစဉ်များတွင် Pause လုပ်ခွင့်မပြုထားပါ။
11. All Chat ဖြင့် စာရိုက်စကားပြောခြင်းကို ကန့်သတ်ထားသည်။
12. Qualifiers ပွဲစဉ်များတွင် Internet အခက်အခဲကြောင့် Lag ဖြစ်ခြင်း၊ Technical Error ဖြစ်ခြင်းများသည် MIC နှင့်လုံးဝ မသက်ဆိုင်ပါ။
13. အနိုင်ရရှိသော အသင်းသည် Mahar Esports ၏ Discord Channel တွင် တာဝန်ရှိသူများအား တင်ပြရမည်။
14. အသင်းနာမည်နှင့် ကစားသမားနာမည်တွင် Moonton သို့မဟုတ် Mahar Esports နှင့်တူညီသော၊ ဆင်တူယိုးမှားဖြစ်စေသော နာမည်များအား ထည့်သွင်းကစားခြင်းမပြုရ။
15. ဖော်ပြပါအချက်အလက်များနှင့် အသစ်ထပ်မံဖြစ်ပေါ်သော စည်းမျဉ်းစည်းကမ်းများအားလုံးသည် Mahar Esports နှင့် Mahar Invitational Cup ၏ မူပိုင်ခွင့်၊ လုပ်ပိုင်ခွင့်သာဖြစ်သည်။ ထပ်မံထည့်သွင်းမည်ဖြစ်သော ပြိုင်ပွဲအချက်အလက်များနှင့် စည်းမျဉ်းစည်းကမ်းများကို Mahar Esports ၏ Official Website သို့မဟုတ် Social Media များတွင်သာ ဖော်ပြသွားမည်ဖြစ်ပြီး အခြား မသက်ဆိုင်သည့် မည်သည့်နေရာတွင်မဆို ကူးယူဖော်ပြခြင်း၊ ပြုပြင်ခြင်းနှင့် ပြောင်းလဲထည့်သွင်းခြင်းများ မပြုလုပ်ရ။

ပြိုင်ပွဲအတွင်းတွင် အသင်းတစ်သင်းမှဖြစ်စေ၊ ကစားသမားတစ်ဦးမှဖြစ်စေ ဆုကြေးငွေရရှိရန် မထိုက်တန်ခြင်း သို့မဟုတ် ပြိုင်ပွဲ ဆက်လက် ယှဉ်ပြိုင်ရန် မသင့်တော်ဟု ပြိုင်ပွဲ စီစဉ်ကြီးကြပ်သူများမှ ယူဆလျှင် ပြိုင်ပွဲ စီစဉ်ကြီးကြပ်သူများ၏ ဆုံးဖြတ်ချက်အရ အဆိုပါ အသင်း သို့မဟုတ် ကစားသမားအား ဆုကြေးငွေနှင့်ပတ်သက်၍ မည်သို့ ဆောင်ရွက်သွားမည်ကို ညှိနှိုင်းဆွေးနွေးသွားမည်ဖြစ်သည်။ ညှိနှိုင်းဆွေးနွေးမှုသည် ဆုကြေးငွေအား ဖြတ်တောက်ခြင်း၊ အခြားအသင်းများသို့ ပြန်လည်ဖြန့်ဝေခြင်း၊ သက်ဆိုင်ရာ အဖွဲ့အစည်း၏ ရန်ပုံငွေအဖြစ် သတ်မှတ်ခြင်းတို့ ပါဝင်သည်။

ဖြစ်ပေါ်လာသော အခြေအနေအမျိုးမျိုးအတွက် ဆုံးဖြတ်ချက်၊ အတည်ပြုချက်နှင့် သုံးသပ်ချက်များ အားလုံးသည် Mahar Invitational Cup ပြိုင်ပွဲ စီစဉ်ကြီးကြပ်သော တာဝန်ရှိသူများနှင့်သာ သက်ဆိုင်သည်။